natursekken.no blir drifta av Nasjonalt senter for naturfag i opplæringa
Kontakt oss: natursekken@naturfagsenteret.no Ansvarleg redaktør: Merethe Frøyland
Personvernerklæring
Tilgjengelegheitserklæring
- barnetrinn 1-2
- barnetrinn 3-4
Jorda i potetåkeren
Opplegget er tredelt og knytt til potetdyrking i skulehagen vår som vi ynskjer å drive så økologisk som råd. Resultata kan kome til nytte i det vidare arbeidet med åkeren. Utsikter til betre avling er motiverande i seg sjølv når elevane har etablert eit eigarforhold til åkeren sin.
«Makkane – kva gjer dei?» Nedbryting. Utforske prossessane i ein kaldkompost med meitemark. Fylgje prossessane i ein varmkompost med mikroorganismar.
«Jordsmonn – kva er god jord for poteta?» Sette poteter i kasser med ulikt jordsmonn for å sjå korleis dette verkar inn på utbyttet av avlinga.
«Potetsortar – kva potetsort gjev best avling i åkeren vår?» Sette ulike sortar poteter i skulehageåkeren og samanlikne kvalitetar ved dei ulike sortane.
Læringsarena
a) «Makkane» blir arbeidd med i klasseromet.
b) «Jordsmonn». Det er viktig at elevane så langt som råd får vere med på å samle «ingrediensane» anten det er sand og tang frå fjøra, husdyrgjødsel frå ein fjøs eller kompostjord frå bingen på skulen. Alt anna praktisk foregår også utandørs, - helst i nærleiken av skulehageåkeren. Arbeid med planlegging, behandling av data og bearbeiding av dokumentasjon vert gjort i klasseromet.
c) «Potetsortar». Ved åkeren.
Undervisning for bærekraftig utvikling
Ved å fylgje poteta sin veg frå åker til bord, og vidare gjennom kjeldesortering, kompostering og jordforbetring i åkeren slik at ein får erfare korleis matavfall kan vere viktig næringsgrunnlag for neste års potetavling, vil ein få fram korleis prosessar i naturen går i syklus. Dette arbeidet er eit godt utgangspunkt for å samanlikne økologisk jordbruk med konvensjonelt jordbruk. Dei konkrete opplevinga knytt til åkeren, vil vere ein referanse som gjer dei i stand til å relatere seg til spørsmål knytt til bærekraftig utvikling seinare i livet med ei større oppleving av eigarskap.
Utforskende arbeidsmåter
Elevane skal utforske ulikt jordsmonn, og ulike potetsortar. Så langt som råd bør elevane få øving i å gjere eigne grunngjevne val for arbeidet sitt.
Grunnleggende ferdigheter
Skriving: I alle tre delane av opplegget, skriv elevane i loggboka. I arbeidet med presentasjonar av opplegga kan ein nytte prossessorientert skriving og mellom anna få trening i mottakarmedvit.
Lesing: Ved del a) vil elevane få trening i å lese og fylgje ei oppskrift/instruksjon. Det er naturleg å knyte opplegga til arbeid med leseforståing. Ein bør oppmuntre elevane til å bruke aktuelle ord og omgrep knytt til prossessane, arbeide med definisjonar og skilje mellom observasjon og tolking.
Rekning: Statistikk. Tabellar og grafiske framstillingar. Måling og samanlikning.
Digitale dugleikar: Presentasjonane kan innebere handsaming av digitale bilete av prossessen og tabellar med tekst og grafiske framstillingar av resultata.